台灣5日4夜 自遊行

24/7-28/7

DAY1 24/7

這次行程真係好玩到腳痛XD
因為我5日都行左勁多路

但係行程一開始就受到阻滯
我地5:00AM起身 打的到機場 坐8:15AM機




去到機場入到港龍班機入面諗住可以開開心心出發點知



飛機都未開 機師就發現 剎車系統有問題 要修理
係飛機入面焗左成45MINS 又冇冷氣
先話比人聽 部機整唔到要換機 出泥望下個鐘



佢地比番每人$75既餐卷賠償 好過咩都冇 同埋佢地要運過哂D行李




最後要到10:45分先可以上機 真係大失所望 要大改行程


=============================================================================
果架壞機

=================================================================================

計埋起飛 班機差唔多DELAY左3個鐘行程大阻 終於可以到台灣



到機場就到左 台灣大哥大  隔離既 中華電信開卡用 XD (*因為大哥大太多人等了)
然後再坐客運到圓山站 捷運 到北投站 接駁車回到北投春天酒店 放低行李(用左1個鐘左右)




行程正式開始~!
先到淡水站 淡水玩




由車站 慢慢行到 淡水碼頭 去 漁人碼頭 (情人橋)
沿途 食左 台灣黑豬腸 ★★★★★ 大腸包小腸 ★★★★ 炸魷魚粒 ★★★★★ 阿媽的酸梅湯 ★
大家記得要到渡輪碼頭先好買飛 因為我未行到渡輪碼頭 就見到有船飛賣 所以買左
點知買左間 叫 順興航運 既 船票 單程要 NT50 來回 NT100 又要勁少船 (仲有架船開得快到恐怖)
所以大家要到 台北航運 到 買  因為佢地做緊半價 船票 單程要 NT25 來回 NT50  平一半 又多船又少人等 冇記錯青年卡仲有得平  




去到情人橋 試左間  "淡水阿給"    阿給 ★★  魚肉湯 ★★★ 魯肉飯 ★★★★ 粉圓 ★★★







行過程人橋我地就再坐船番淡水老街搵野食XD
係一間玩具點到買左2個按摩用既木器 NT90 諗住番酒店按下腳(在九份 看到有店舖跟這裡賣的一樣 要NT120)




呢間 烏賊燒 一流  係烏賊入面包左D 飯 原來係勁好食 但我係陣係買左1個番酒店 先食 後悔冇即刻試買多幾個
烏賊燒 ★★★★★ 炸榴槤 ★★★★ "醍提大師" 蝦條 ★★★★ 諗走前仲 係出口見到間果汁店 買左杯芒果汁同西瓜汁 記得
即叫即渣 正 比個 果汁 ★★★★★ 佢對面有間 台灣黑豬肉腸★★★★★ 都係好正 (唔記得左影相相T^T) 記得買左腸要羅佢前面果蒜頭 咬少少蒜頭 咬一口腸 咁食










之後 我地再行番捷運番 酒店就一天了   (春天酒店 真係好正 開出泥既溫泉水 好大陣 硫磺味XD 一流)




小弟的第一次 REPORT^^

25/7 DAY2
9:00AM起身即刻去食早餐  春天既早餐 都係同其他酒店一樣係自助形式

但係佢既選擇多 又全部野食都可以 達 ★★★★ 以上
最鍾意 佢既 皮蛋瘦肉粥 ★★★★★ 關東煮 ★★★★ 燒八爪魚丸 ★★★★★ 牛奶布甸 ★★★★★ 鳳梨酥 ★★★★ 等等
佢仲有益力多 ★★★★★ 比你飲 XD (我阿爸話D 豆漿 都整得唔錯)

食完野就緊係去浸佢既露天風呂 啦  佢既露天風呂 分左好多個 唔同既噴射方法
但係我最多時間係 留係佢入面果個 冷泉 因為夏天唔鍾意浸溫泉

浸完露天風呂 就12:00PM 準時退房 再坐捷運 去 我第2,3,4日將會住既酒店 "台北凱撒大飯店"









台北凱撒大飯店 既位置係超近 台北車站 (高鐵,捷運,台鐵,客運) 差唔多全部野都係行幾步路仔就到 超方便
但係美中不足 就係房間 只係 好似大陸既3星酒店   當然 佢既優點始終都係交通方便啦~!



去到因為未有房既關係 所以我羅我地差唔多所有人都有既 天書      "台北"  姐係橙色封面閃亮亮果本野 (唔知既去書局網下就會見到本野大大隻字寫住台北)
跟天書 去左 一間  叫  "良品牛肉麵" 既 麵檔 叫左 碗 牛肉刀削麵 ★★★ 清湯牛肉刀削麵 ★★★  餃子 ★ 豆漿 ★★★★
食完之後只可以講太失望啦 唔係想像中咁好食 唔知係唔係唔關食刀削麵既關係 覺得佢D粉太厚 唔好食牛肉又唔夠鮮味
至於餃子 唔好提 .... 會肉同D皮 散開 係夾唔到的 ...失望(天書是錯的) 最好既係杯豆漿












就係我地灰哂心之制 就見到隔離又有野食 係一間甜品店 同 捲餅店 就走左入去試下   一間店舖 有2個 食店既 "啊!!!捲餅舖" 同 "賽門甜不辣"









我入到去點左1個 豬肉捲餅  ★★★★★  我阿爸就走去點左個甜品 紅豆加冰加雪糕既野 ★★★★★唔知咩名








食完個豬肉捲餅 連我阿媽都話好味 老板就話比我地聽佢拿手既係牛肉捲餅★★★★★但係因為太飽 就叫 個 牛肉捲餅羅走  就行番酒店
番到酒店羅到房放好行李 就正式開始第2日行程
我地坐捷運先去左國父紀念館








去到國父紀念館就緊係搵孫中山影番張先啦 undefined






然後入左去個 展館 見到2句名句








睇完國父紀念館 就號去 全台最高既樓 台北101 同上左觀景台 (P.S. 101商場設有LOCKER唔係觀景台 可以放低D野先行 重要野跟身)
上左去 同係香港 間屋望出去冇咩分別= = 又係係高樓大廈望出去既感覺 我果日仲要比我遇上大霧








然後再行到死死下咁上左去91樓 = = 點知原來係同89樓睇冇咩分別 仲多左D圍欄






睇完101 就飛左的去 美麗華
去到美麗華 比入面既 天仁茗茶 吸引左我阿爸同阿媽 坐係度嘆茶
佢比我地試左隻913茶王 同埋 綠茶粉都唔錯 913茶王 仲帶少少回甘 正 (我對茶唔係好暸解 唔比星) 仲每樣買左2盒走





嘆完靚茶佢地終於肯跟我上摩天輪 唔知係唔係上完 101既關係 覺得坐 摩天輪 好悶= = 仲要落雨 真浪漫








玩完摩天輪 肚又餓啦 我地又即刻走去飛的 去左饒河夜市搵野食啦undefined (P.S. 附近既台鐵松山站設有 LOCKER 可以放低野慢慢行 重要野跟身)



泥到夜市就 入到去就見到傳說中既 胡椒餅 ★★ 點知原來係普普通通 唔係想象之中咁好食 D粉厚到咬唔開

之後好失望之制 就見到個 日式燒餅 ★★★★★ 遠距離都嗅到   正~~~~~~



之後繼續行 又搵到間野食 係食 羊肉 ★★★★ 魯肉飯 ★★★★★ 既 雖然個羊肉 好多都係骨但係好野味  而魯肉飯易唔差




食完羊肉 又比我 見多間 日式燒餅 ★★★★★ 呢間冇之前果間咁好味 但係都唔差





食完燒餅 見到一間賣緊 米餅 ★★★ 既野 果個阿姨係咁叫我試 我就試左少少 唔錯 但係我冇買到



呢間野冇食過


行到最後買左D 串燒 ★★★★★  番酒店 做宵夜  然後坐台鐵番酒店 番到酒店一食 即刻後悔 點解唔買多D呢 undefined

DAY1 26/7 呢一日係最辛苦既行程
我地會去 野柳 九份 十分 P.S. 少D腳力都唔得 好彩我好好腳力XD
首先一早就去左搭台鐵去基隆市    係7仔買左4個包1人1個就走上車了


大約過左45分鐘 到左 基隆市 然後就要轉客運去野柳
因為唔知道個客運係搭邊架 然後出左站行幾步見到 旅遊服務中心 就入去問人undefined



原來要先上行人天橋行過對面 就見到有個巴士站 就係果度等去野柳既車 (唔記得影下個巴士站添)
係等車期間 有個的士佬行埋泥 同我地講

"去野柳既車要等半個鐘架 岩岩先走左一架車 不如我車你地NT400 4個字搞掂 坐客運要成個鐘"
佢話口未完 去野柳既客運就到左我地面前
成個車程其實只要半個鐘 同埋只係NT16 每位 (記得同司機講邊到落車 )
然後落左車行左 10MINS 就到左我地既目的地 野柳地質公園



係果度有個 旅遊服務中心 有LOCKER 可以用 我地就將D野放哂入去 (重要野跟身)
咁就唔洗行到大汗踏細汗啦
入到地質公園 好舒服 海風係咁吹埋泥 正



入到去我地就緊係要搵傳說中既女王頭啦
果然真係好似 聽人講過多幾年佢就會斷


成個公園 沿圖有好多好似花既公仔係地下 覺得好奇怪 點解要刻D咁既公仔係度呢
之後行下行下 就睇到一個介紹牌 原來果D係海膽既化石 小弟有眼不識泰山
我地行到去上樓梯果度就番轉頭 唔行咁遠LU(其實係見到仲有咁遠唔想行)



因為行完有D攰 所以就係出面搵架 計程車去 九份 (冇講價 NT800) 而唔搭 客運 (係入公園前 賣票處阿嬸幫人搵計程車要NT1200)

kkkk17

听说大陆对台湾自由行要求很高的啊，要固定资产什么的

rainman0707

挺羡慕 台湾去的好玩